Հունիսի 2-ին Իրակլի Ղարիբաշվիլին կհանդիպի Կախեթիի կուսակցական ակտիվի հետ
«Վրացական երազանքի» նախագահ Իրակլի Ղարիբաշվիլին վաղը՝ հունիսի 2-ին, կհանդիպի Կախեթիի տեղական կազմակերպությունների ղեկավարների և կուսակցական ակտիվիստների հետ։
Ինչպես հայտնում է կուսակցության մամուլի ծառայությունը, հանդիպումը տեղի կունենա Թելավիում ժամը 13:00-ին։
«Հունիսի 2-ին, ժամը 13:00-ին Թելավիում «Վրացական երազանքի» նախագահ Իրակլի Ղարիբաշվիլին, տարածաշրջանային քարտուղար Դիմիտրի Սամխարաձեն և խորհրդարանական մեծամասնության անդամները կհանդիպեն Կախեթիի տեղական կազմակերպությունների ղեկավարների և կուսակցական ակտիվիստների հետ։
Հանդիպմանը կմասնակցի Կախեթիի տարածքում պետական լիազոր Գիորգի Ալադաշվիլին»,- ասվում է տեղեկատվության մեջ։
«Վրացական երազանքի» նախագահի և կուսակցությունների ղեկավարների հանդիպումները մարզերում մեկնարկել են մարտի 2-ին։ Հանդիպումներ են տեղի ունեցել Աջարիայում, Սամեգրելո-Զեմո Սվանեթիում, Գուրիայում, Իմերեթում, Ռաճա-Լեչխումի-Քվեմո Սվանեթիում, Շիդա Քարթլիում, Մցխեթա-Մթիանեթիում, Սամցխե-Ջավախեթիում և Քվեմո Քարթլիում:
Իրակլի Ղարիբաշվիլին 100 օրվա ընթացքում 10 շրջաններում կհանդիպի կուսակցական ակտիվիստների հետ։