Բուդապեշտը մեղադրել է Եվրահանձնաժողովին անդամ երկրների հետ ընտրովի հարաբերությունների մեջ։ Սրա պատճառը Հանձնակատարների խորհրդի Հունգարիա նախատեսված այցի խափանումն է։

Հունգարիայի Եվրամիության հարցերով նախարար Յանոշ Բոկան սոցցանցում գրում է, որ Եվրամիությունը միջազգային կազմակերպություն է, որը բաղկացած է անդամ երկրներից, իսկ Եվրահանձնաժողովը Եվրամիության ինստիտուտն է։

«Եվրահանձնաժողովը չի կարող ընտրողաբար ընտրել այն ինստիտուտներն ու անդամ երկրները, որոնց հետ ցանկանում է համագործակցել։ Արդյո՞ք Եվրահանձնաժողովի բոլոր որոշումները հիմնված են քաղաքական նկատառումների վրա»,- գրել է Բոկան սոցցանցում։

Ի գիտություն, ԵՄ ԱԳ նախարարները պատրաստվում են բոյկոտել Հունգարիայի կողմից կազմակերպված նախարարական հանդիպումը և ծրագրում են այլընտրանքային հանդիպում անցկացնել օգոստոսին։