Կարծում ենք, որ Եվրամիության որոշումը ամոթալի էր, Վրաստանը պետք է թեկնածուի կարգավիճակ ստանար,- ՆԱՏՕ-ի Խորհրդարանական վեհաժողովի ձևաչափում հայտարարել է Հունգարիայի խորհրդարանում գործող Վրաստանի հետ բարեկամության խմբի նախագահ Լորինց Նաչան, Վրաստանի և Հունգարիայի պատվիրակությունների հանդիպումից հետո։

Հունգարացի պատգամավորի խոսքով՝ Վրաստանի եվրատլանտյան ինտեգրացիան մեծ աջակցություն է վայելում Հունգարիայի խորհրդարանի և կառավարության կողմից։

«Շատ լավ հանդիպում եմ ունեցել վրացի ընկերների հետ։ Մենք խոսել ենք Վրաստանի եվրատլանտյան ինտեգրման մասին։ Մենք՝ ինչպես Հունգարիայի խորհրդարանում, այնպես էլ կառավարությունում, վճռականորեն աջակցում ենք Վրաստանի եվրաատլանտյան ինտեգրմանը։ Խոսեցինք նաև Եվրամիության ամառային որոշման մասին, որը, կարծում ենք, ամոթալի էր։ Վրաստանը պետք է թեկնածուի կարգավիճակ ստանար։ Մենք շատ ուրախ ենք, որ մեր վրացի ընկերները գտնվում են ՆԱՏՕ-ի Խորհրդարանական վեհաժողովում, որտեղ մենք կարող ենք համագործակցել անվտանգության հարցերի, մեր ապագայի և ընդհանուր շահերի շուրջ։ Առջև՝ Վրաստան»,- ասաց Լորինս Նաչան։

ՆԱՏՕ-ի խորհրդարանական վեհաժողովի շրջանակներում Վրաստանի խորհրդարանի պատվիրակությունը հանդիպումներ է ունենում Մադրիդում։ Իրակլի Բերայայի հետ խորհրդարանական պատվիրակության կազմում են արտաքին հարաբերությունների հանձնաժողովի նախագահի առաջին տեղակալ Գիորգի Խելաշվիլին և պաշտպանության և անվտանգության հանձնաժողովի փոխնախագահ Վլադիմիր Չաչիբայան և Թեոնա Աքուբարդիան։