Հունգարիայի նախագահը կոչ է արել Ուկրաինային բանակցել Ռուսաստանի հետ
Հունգարիայի նախագահ Կատալին Նովակը Ուկրաինային կոչ է արել բանակցել Ռուսաստանի հետ։ Այս մասին Հունգարիայի նախագահը հայտարարել է հունգարական «Index» հրատարակությանը տված հարցազրույցում։
«Պատերազմը շարունակվում է մեկուկես տարի, և ես չեմ տեսնում որևէ ռազմական որոշում, որը կհանգեցնի կայուն և երկարաժամկետ խաղաղության։ Ուստի անհրաժեշտ է նստել բանակցությունների սեղանի շուրջ։ Ես այս կարծիքն եմ հայտնել Ուկրաինայի նախագահին՝ ինչպես հրապարակավ, այնպես էլ անձամբ»,- ասել է Կատալին Նովակը։
Միաժամանակ Հունգարիայի նախագահը նշել է, որ Բուդապեշտը մտադիր է միանալ ուկրաինական խաղաղության բանաձեւին։ Կատալին Նովակի խոսքով՝ Հունգարիան կարևոր է համարում իր մասնակցությունը ցանկացած գործընթացում, որը կնպաստի խաղաղությանը։ Նաև, նրա հայտարարության համաձայն, Հունգարիան վճռականորեն դատապարտում է Ռուսաստանի միջամտությունը։
Հունգարիայի նախագահը օգոստոսի 23-ին մասնակցել է «Ղրիմի հարթակ» ֆորումին և բանակցություններ վարել Վլադիմիր Զելենսկու հետ։