Հունգարիայի եվրոպական հարցերով փոխնախարար Բարնա Զիգմոնդի խոսքով՝ Հունգարիան կողմ է Վրաստանի եվրաինտեգրմանը և աջակցում է Վրաստանի կողմից ԵՄ թեկնածուի կարգավիճակի ընդունմանը։

Այս մասին Բարնա Զիգմոնդը հայտարարել է «Վրացական երազանք» կուսակցության նախագահ Իրակլի Կոբախիձեի հետ հանդիպումից հետո։

«Մենք միշտ աջակցել ենք Վրաստանին և կշարունակենք աջակցել նաև ապագայում։ Մենք կարծում ենք, որ դա կլինի որոշում, որը վերջնականապես կարտացոլվի Վրաստանին ԵՄ-ի թեկնածուի կարգավիճակ շնորհելու հարցում։ Մենք կարծում ենք, որ ընդլայնման գործընթացը չպետք է լինի քաղաքական որոշում, եթե հաշվի առնենք, որ Վրաստանը կատարում է պահանջները և կարծում ենք, որ դա կլինի մի որոշում, որը մեզ կտանի դեպի թեկնածուի կարգավիճակ»,- ասաց Հունգարիայի Եվրոպայի գործերի փոխնախարարը։

Բացի այդ, ինչպես նշել է նա, Ուկրաինայի հարցը անկախ գործընթաց է։

«Վրաստանի օրինակի դեպքում մենք տեսնում ենք, որ դա անհրաժեշտ է։ Ուկրաինայի դեպքում մենք տեսնում ենք, որ մեզ անհրաժեշտ է նոր ռազմավարություն, քանի որ այս երկրում պատերազմ է, և մենք չենք կարող զարգացնել այնպիսի համակարգ, որը լիովին համատեղելի է եվրոպական իրավական համակարգի հետ»,- ասել է Բարնա Զիգմոնդը։

Բառնա Զիգմոնդին Հունգարիայի իշխող «Ֆիդես» կուսակցության առաջնորդներից է, ով մասնակցել է վրացական պատվիրակության երեկ կայացած հանդիպումներին։