Հռոմում 2 հանրախանութից մարդիկ տարհանվել են՝ ռումբի մասին զանգից հետո
Հռոմի կենտրոնում երկու առևտրի կենտրոն է տարհանվել ռումբի մասին անանուն զանգի պատճառով: Այս մասին հաղորդում է Messaggero մայրաքաղաքային թերթը:
Պարբերականի հաղորդմամբ, որի խմբագրությունը գտնվում է Rinascente հանրախանութի մոտակայքում, անանուն զանգ է ստացվել թերթի խմբագրությունում: Իրավապահ մարմինների աշխատակիցները շրջապատել են մոտակա փողոցը, իսկ ութ հարկանի հանրախանութի անձնակազմն ու այցելուները տարհանվել են:
Անվտանգության նկատառումներից ելնելով՝ տարհանվել է նույն ցանցի մեկ այլ հանրախանութ, որը գտնվում է կենտրոնական թաղամասից հյուսիս ընկած հատվածում:
Խանութների կազմակերպված տեղահանումներից հետո իրականացված ստուգումների ժամանակ պայթուցիկ նյութեր չեն հայտնաբերվել:
Կիրակի իտալական հեռուստաալիքներից մեկը հայտնել է ահաբեկչության վտանգի պատճառով մայրաքաղաքում անվտանգության ուժեղացված միջոցառումների մասին:
Հեղինակ -
Edgar Barsegyan