Հռոմի պապ Ֆրանցիսկոսի խոսքով, Գազայի հատվածում «հուսահատ իրավիճակ է»:

Ֆրանցիսկոսը հորդորեց հավատացյալներին ընտրել միայն մեկ կողմը, և այդ կողմը պետք է լինի խաղաղությունը։ Ինչպես գրում են լրատվամիջոցները, Հռոմի կաթոլիկ եկեղեցու առաջնորդը Սուրբ Պետրոսի հրապարակում իր ելույթի ժամանակ չի հիշատակել Գազայի հատվածում հիվանդանոցի վրա կատարված վերջին հարձակումը, որի համար Իսրայելն ու պաղեստինցիները մեղադրում են միմյանց։

«Պատերազմը ոչ մի խնդիր չի լուծի, այն միայն մահ ու ավերածություն է սերմանում, ավելացնում ատելությունը, ծնում է վրեժ: Պատերազմը ջնջում է ապագան: Ես կոչ եմ անում հավատացյալներին այս հակամարտությունում բռնել միայն մեկ կողմը, դա խաղաղության կողմն է, բայց ոչ խոսքով, այլ աղոթքով և նվիրումով»,- ասել է Հռոմի պապը։

Պոնտիֆիկոսի խոսքով՝ անհրաժեշտ է ամեն ինչ անել՝ հումանիտար աղետից խուսափելու համար։