Հորդանանում Իսրայելի դեսպանատան մոտ հրաձգության հետեւանքով անվտանգության ծառայության երեք աշխատակիցներ են վիրավորվել
Հորդանանում Իսրայելի դեսպանատան մոտ հրաձգության հետեւանքով անվտանգության ծառայության երեք աշխատակիցներ են վիրավորվել։ Տուժածներին բուժօգնություն է ցուցաբերվում։
Հորդանանի լրատվական գործակալությունների հաղորդմամբ, Ամմանի Ռաբիա թաղամասում հարձակվողը կրակ է բացել ոստիկանական պարեկի ուղղությամբ։ Իրավապահները պատասխան կրակ են բացել, հարձակվողը սպանվել է։
Ոստիկանությունը շրջափակել է Ամմանի Ռաբիա թաղամասը, որտեղ տեղի է ունեցել հրաձգությունը և տեղի բնակիչներին հորդորել են չլքել իրենց տները։
Գազայի հատվածում պատերազմի սկսվելուց հետո աշխարհի տարբեր երկրներում Իսրայելի դիվանագիտական ներկայացուցչությունները բազմիցս ենթարկվել են հարձակումների։
Հոկտեմբերին Դանիայում և Շվեդիայում Իսրայելի դեսպանատների մոտ պայթյուններ և կրակոցներ են եղել։