Հորդանանի թագավոր Աբդուլլահը նախազգուշացրել է ԱՄՆ պետքարտուղար Էնթոնի Բլինքենին Գազայում Իսրայելի ռազմական արշավի շարունակման «աղետալի հետեւանքների» մասին։ Հորդանանի միապետն ընդգծել է Միացյալ Նահանգների վճռական դերը Գազայի հատվածում կրակի անհապաղ դադարեցման, խաղաղ բնակչության պաշտպանության և մարդասիրական և բժշկական օգնության կայուն մատակարարման ապահովման գործում:

Հորդանանի թագավոր Աբդուլլահը մեկ անգամ ևս խոսել է պաղեստինյան հարցի արդարացի լուծման և տարածաշրջանային կայունության համար երկու պետությունների լուծման վրա հիմնված համապարփակ խաղաղության անհրաժեշտության մասին։

Հորդանանի միապետը կտրականապես դեմ է արտահայտվել պաղեստինցիների բռնի տեղահանմանը` նշելով, որ Հորդանանը չի աջակցում Գազայի և Հորդանան գետի արևմտյան ափի բաժանման ջանքերին, քանի որ դրանք պաղեստինյան պետության անբաժանելի մասն են:

Հորդանանի լրատվամիջոցները հաղորդում են, որ Աբդուլլահ թագավորը դատապարտել է բռնության ակտերը պաղեստինյան բնակավայրերի և Երուսաղեմի սուրբ վայրերի ոտնձգությունների դեմ՝ ընդգծելով տարածաշրջանային էսկալացիան կանխելու համար հրատապ միջամտության անհրաժեշտությունը: