Հոգևորականները Ախալքալաքում և Ախալցիխեում հանդիպել են Վրաստանի հիվանդությունների վերահսկման և հանրային առողջության ազգային կենտրոնի ներկայացուցիչների, առողջապահության ոլորտի փորձագետների և Վրաստանում ՄԱԿ-ի մանկական հիմնադրամի (UNICEF) ներկայացուցչի հետ: Տեղեկատվությունը տարածում է Վրաստանի պատրիարքարանի հասարակայնության հետ կապերի ծառայությունը:

«Վրաստանի Առաքելական ավտոկեֆալ ուղղափառ եկեղեցու Սուրբ սինոդի 2021 թվականի փետրվարի 11-ի որոշմամբ, «եկեղեցին ընդունում է, որ առողջությունը մարդու կարևորագույն իրավունքներից մեկն է, ուստի, աջակցում է այս իրավունքի պաշտպանության բոլոր քայլերին և չի հակասում քրիստոնեական բարոյականությանը »:

Վրաստանի պատրիարքարանը, հնարավորությունների սահմանում, իր լուման է ունեցել համավարակի դեմ պայքարում, մասնավորապես, անցյալ տարվա ապրիլից Պատրիարքարանի հիվանդանոցը `Թբիլիսիի Սբ. Յոակիմ և Աննա բժշկական կենտրոնը, վերափոխվել էր տենդի կենտրոնի և 105 մահճակալի վրա իրականացրել է «կովիդ 19»-ով վարակվածների բուժումը: Մինչ օրս բժշկական ծառայություններ են մատուցվել 10 000 հիվանդների, իրականացվել են տարբեր բժշկական պրոցեդուրաներ: Սակայն, «եկեղեցին այժմ համավարակի հետ կապված այլ իրավիճակի առաջ է, և անհրաժեշտ է պատրաստել հասարակությանը», ինչը նշանակում է հնարավորինս պատասխանել պատվաստումների վերաբերյալ հասարակության բոլոր հարցերին և ճիշտ վերլուծել իրավիճակը: Սա, իհարկե, «առողջապահության ոլորտի աշխատողների իրավասությունն ու պատասխանատվությունն է»:

Ըստ այդմ, հանդիպման ընթացքում քննարկվեցին այնպիսի հարցեր, ինչպիսիք են Վրաստանում իմունիզացիայի ծրագրերը, «կովիդ 19»-ի դեմ պատվաստումները, պատվաստանյութերի տեխնոլոգիան, գործողության մեխանիզմը, տևողությունը, արդյունավետությունը և այլն: Տեղի ունեցավ քննարկում:

Սամցխե-Ջավախեթիում «կովիդ 19»-ի դեմ պատվաստումների վերաբերյալ տեղեկատվական հանդիպումը կազմակերպվել է ՄԱԿ-ի մանկական հիմնադրամի և ԱՄՆ-ի միջազգային զարգացման գործակալության ֆինանսական աջակցությամբ:

Վրաց Ուղղափառ եկեղեցու կողմից հանդիպմանը ներկա էին Ախալքալաքի, Կումուրդոյի և Կարիի միտրոպոլիտ Նիկոլոզը (Փաչուաշվիլի), Վրաստանի պատրիարքարանի հասարակայնության հետ կապերի ծառայության ներկայացուցիչ, քահանա Գիորգի Փիրցխելանին և այլ հոգևորականներ, Վրաստանում ՄԱԿ-ի մանկական հիմնադրամի ներկայացուցիչ Ղասան Խալիլին և առողջապահության ոլորտի մասնագետներ, Իաշվիլիի անվան մանկական կենտրոնական հիվանդանոցի բժշկական տնօրեն՝ Իվանե Չխաիձեն, երեխաների և մեծահասակների ալերգոլոգ-իմունոլոգ՝ Բիձինա Կուլումբեգովը, հիվանդությունների վերահսկման ազգային կենտրոնի վարակիչ հիվանդությունների բաժանմունքի վարիչ՝ Խաթունա Զախաշվիլին, սրտաբան՝ Զվիադ Ղիփիանին,- նշված է Վրաստանի պատրիարքարանի հասարակայնության հետ կապերի ծառայության հաղորդագրության մեջ: