Հնդկաստանի վարչապետ Նանենդրա Մոդին շնորհավորել է Վրաստանի վարչապետ Իրակլի Կոբախիձեին՝ վարչապետ դառնալու կապակցությամբ։

Նանենդրա Մոդիի խոսքով՝ ինքը վստահ է, որ Վրաստան-Հնդկաստան համագործակցությունը կրկին կամրապնդվի։

«Սրտանց շնորհավորում եմ ձեզ Վրաստանի վարչապետի պաշտոնում նշանակվելու կապակցությամբ։ Ավանդաբար Հնդկաստանն ու Վրաստանը ջերմ ու բարեկամական հարաբերություններ ունեն։ Վերջին շրջանում մեր երկկողմ կապերը անշեղորեն ամրապնդվել և դիվերսիֆիկացվել են համագործակցության տարբեր ոլորտներում։ Վստահ եմ, որ ձեր ղեկավարության օրոք մեր համագործակցությունը կշարունակի ամրապնդվել։ Ես անհամբեր սպասում եմ ձեզ հետ աշխատելու՝ մեր հարաբերությունները նոր բարձունքների հասցնելու համար: Մաղթում եմ ձեզ առողջություն, բարօրություն և զարգացում բարեկամ վրաց ժողովրդին։ Ձերդ Գերազանցություն, ընդունեք իմ բարձրագույն հարգանքը»,- ասված է Հնդկաստանի վարչապետի նամակում։