Բոլորս լավ ենք հասկանում, որ մեր տնտեսության համար հիմնական մարտահրավերը աշխատատեղերն են, և ի վերջո, միջին խավի թուլությունը, կամ նրա բացակայությունը,- այս մասին Վրաստանի վարչապետ Գիորգի Գախարիան հայտարարել է տնտեսական ոլորտի փորձագետների հետ հանդիպման ժամանակ:

Ինչպես նշել է կառավարության ղեկավարը, պետության պարտականությունն է կրել սոցիալական բեռը, քանի դեռ երկրում չի կարող ստեղծվել առողջ, հզոր բիզնես ոլորտ, որն իր հերթին կկարողանա ստանձնել այն սոցիալական պատասխանատվությունը, որը կրում է քաղաքացիների առջև:

«Փաստորեն մենք ասում ենք, որ պատրաստ ենք նստել և քննարկել այն խնդիրները, որոնք տեսնում ենք: Համապատասխանաբար, առողջ դատելու մասում համոզված ենք, որ կգտնենք այնպիսի լուծումներ, որոնք առաջին հերթին կենտրոնացված կլինեն երկրում տնտեսական աճի և սոցիալական կայունության վրա: Ի վերջո, երբ մենք խոսում ենք տնտեսության մասին, գնում ենք դեպի  աշխատատեղերի քանակը: Հիմնական խնդիրը կլինի բարեփոխումը, որպեսզի աշխատատեղերի աճի միջոցով ստեղծենք առողջ տնտեսական աճ և միջին խավ, ինչը կարևոր է քաղաքական գործընթացի կայունացման համար»,-հայտարարել է Գիորգի Գախարիան: