Ադրբեջանի և Հայաստանի միջև խաղաղության պայմանագիրը օրինակելի կլինի և կարող է նաև շրջադարձային կետ բերել Հարավային Կովկասի տարածաշրջանում, տարածաշրջանը կարող է մասնատվածությունից անցնել ինտեգրման,- այս մասին Ադրբեջանի նախագահի արտաքին քաղաքականության հարցերով խորհրդական Հիքմեթ Հաջիևը ասել է Reuters-ին։

Ադրբեջանի կառավարության ներկայացուցչի խոսքով՝ երկու երկրների միջև կնքված խաղաղության համաձայնագիրը շահավետ կլինի ողջ տարածաշրջանի համար։

«Ադրբեջանը Հայաստանի Հանրապետության ինքնիշխան տարածքում ռազմական նպատակներ կամ խնդիրներ չունի, դա Ադրբեջանի օրակարգից դուրս է։ Ադրբեջանը միայն ապահովում է իր ներքին ինքնիշխանությունն ու տարածքային ամբողջականությունը: Նաև, վերջին հակաահաբեկչական գործողությունները տեղում շատ սահմանափակ են եղել, տեղական բնույթ են կրել և շատ կարճատև են եղել: Խոսքը գնում էր Ադրբեջանի ինքնիշխան տարածքում ռազմական ենթակառուցվածքի բոլոր ներքին ռազմական բաղադրիչներով չեզոքացնելու մասին։ Ուստի Ադրբեջանը այլ ռազմական նպատակներ չունի։ Մեր միակ օրակարգը Հայաստանի Հանրապետության հետ խաղաղ հարեւանությունն է, և մենք հուսով ենք, որ Հայաստանը նույնպես դրական դեր կխաղա երկու երկրների միջև խաղաղության օրակարգն առաջ մղելու գործում»,- ասել է Հիքմեթ Հաջիևը։