Շրջակա միջավայրի ազգային գործակալության հիդրոօդերեւութաբանության դեպարտամենտի ղեկավարի տեղակալ Իրակլի Մեգրելիձեի խոսքով, գլոբալ տաքացման հետեւանքով նմանատիպ իրադարձություններ տեղի են ունենում ոչ միայն Վրաստանում, այլեւ ամբողջ աշխարհում։

«Մենք աղետի գոտում էինք, շատ լայնածավալ բնական իրադարձություն զարգացավ: Գործ ունենք բավականին մեծ ծավալի հետ։ Կարելի է նախապես գնահատել գործընթացները, սակայն կանխատեսել, թե երբ և որ ժամին դա տեղի կունենա, գործնականում անհնար է, և ոչ ոք դա չի կարող ասել։ Նման տիպի իրադարձություն Վրաստանում երկար տասնամյակներ չի արձանագրվել, դա մեծածավալ տարերային իրադարձություն էր, ծավալով շատ ավելի մեծ, քան Դևդորակը, նույն Մեստիայի ջրհեղեղը։ Ցավոք, նման արդյունք ստացանք։ Աղետի գոտում կատարվում են լուծարման և որոնողական աշխատանքներ։

Այս փուլում կիրճում նմանատիպ գործընթացների կրկնության վտանգը և ռիսկը նվազագույն է, քանի որ արդեն մեծ ծավալ է իջել: Սակայն դա չի նշանակում, որ վտանգ չկա, քանի որ մենք ունենք բազմաթիվ սառցադաշտեր: Նմանատիպ իրադարձություն կարող է շատ տեղերում զարգանալ, և մենք դրանից զերծ չենք, ոչ միայն Ռաճայի շրջանում, դա կարող է լինել Սվանեթիում, Ղազբեգիում, քանի որ, ինչպես նշեցի, կլիմայի փոփոխությանը և գլոբալ տաքացմանը հետևում են նմանատիպ գործընթացներ»,- ասել է Իրակլի Մեգրելիձեն։