Լիբանանի շիական «Հեզբոլլահ» խմբավորումը կոչ է անում Լիբանանի սահմանի մոտ գտնվող Իսրայելի հյուսիսում բնակվող բնակիչներին անհապաղ տարհանվել։

«Զգուշացում հյուսիսային բնակավայրերի բնակիչներին, ձեզ հրամայված է լքել սահմանից հինգ կիլոմետր շառավղով բոլոր բնակավայրերը», – ասվում է խմբավորման հայտարարության մեջ։

Հայտարարության համաձայն՝ «Հեզբոլլահը» նախատեսում է արձագանքել Իսրայելի գործողություններին։

«Ձեր զինվորականների ագրեսիան Լիբանանի և նրա քաղաքացիների ինքնիշխանության և անվտանգության դեմ, քաղաքացիական ենթակառուցվածքների ոչնչացումը և նրանց կողմից իրականացվող վտարման արշավը անպատասխան չեն մնա», – ասվում է «Հեզբոլլահի» հայտարարության մեջ։

Իսրայելն արդեն արձագանքել է խմբավորման հայտարարությանը։ Ինչպես հաղորդվում է Իսրայելում, իսրայելցիները մտադիր չեն տարհանվել սահմանային քաղաքներից։