Վալերի Զալուժնիին Գերագույն գլխավոր հրամանատարի պաշտոնից հեռացնելուց հետո Ուկրաինայի նախագահ Վոլոդիմիր Զելենսկու նկատմամբ հասարակության վստահությունը նվազել է։

Ինչպես գրում են ուկրաինական լրատվամիջոցները, սրանք են Կիևի սոցիոլոգիայի միջազգային ինստիտուտի կողմից փետրվարի 5-10-ը անցկացված հարցման արդյունքները։

Փետրվարի 8-ին Զելենսկին հայտարարեց Վալերի Զալուժին Ալեքսանդր Սիրսկիով փոխարինելու մասին։

«Հարցման անցկացումը համընկավ Զալուժնիի հեռացման ժամանակաշրջանի հետ։ Փետրվարի 5-8-ն ընկած ժամանակահատվածում (մինչ վերակայումը) անցկացվել է 874 հարցազրույց, ապա փետրվարի 9-10-ն ընկած ժամանակահատվածում՝ 328 հարցազրույց։ Զալուժնի հրաժարականից հետո վստահությունը նվազել է հինգ կետով՝ հասնելով 60 տոկոսի։ Այսպիսով, ընդհանուր առմամբ փետրվարի 5-10-ն ընկած ժամանակահատվածում Զելենսկիին վստահում է 64%-ը, թեև այս ժամանակահատվածի վերջում այդ ցուցանիշը կազմում է 60%»,- նշում է հետազոտությունը։

2022 թվականի փետրվարին՝ մինչ ռուսական միջամտությունը, նախագահի վստահության վարկանիշը 37% էր։ Միջամտությունից հետո վստահությունը կտրուկ աճեց և 2022 թվականի մայիսի դրությամբ հասավ 90%-ի։ 2022 թվականի մայիսից մինչև 2023 թվականի դեկտեմբերը Զելենսկու նկատմամբ վստահությունը նվազել է 13%-ով և կազմել 77%։ Առաջիկա երկու ամիսներին՝ մինչև փետրվարի սկիզբը, նրա վարկանիշը նվազել է ևս 12 տոկոսով՝ հասնելով 65 տոկոսի։

Նույն հարցման համաձայն՝ հարցված ուկրաինացիների 40%-ը սատարում է Գերագույն գլխավոր հրամանատար Ալեքսանդր Սիրսկուն, իսկ 94%-ը՝ նախկին Գերագույն գլխավոր հրամանատար Վալերի Զալուժնիին։