Անցյալի փորձը ցույց է տալիս, որ ընդդիմությունն օգտագործում է խորհրդարանական հանձնաժողովները ավելի կոնկրետ ելույթների համար, որոշակի տեսակի հայտարարությունների համար, իսկ մինչ այժմ ստեղծված հանձնաժողովները երբեք փաստարկներ չեն ունեցել,- այս մասին խոսելով Միխեիլ Սաակաշվիլիի կապակցությամբ հետաքննչական հանձնաժողով ստեղծելու մասին, հայտարարել է մշակույթի, սպորտի և երիտասարդության հարցերի նախարար Թեա Ծուլուկիանին։

«Միշտ հիշում եմ, երբ ընդդիմության կողմից ստեղծված և նրանց կողմից նշանակված քննիչ հանձնաժողովը կանչեց ինձ, երեք րոպեանոց հարցում էր։ Հարցեր չեն ունեցել անգամ կանչված նախարարի հետ։ Հետևաբար, քանի դեռ մեր ընդդիմությունը լուրջ չի ներկայացվում, իհարկե, անձամբ ես՝ որպես քաղաքականությամբ զբաղվող մարդ, կարծում եմ, որ նման ընդդիմության երեսին որևէ խորհրդարանական քննիչ հանձնաժողով ստեղծելը սովորական ֆարս է,- հայտարարել է Թեա Ծուլուկիանին։

Միևնույն ժամանակ, ինչպես նշել է Ծուլուկիանին, բավական է խոսել Միխեիլ Սաակաշվիլիի մասին։

«Կարծում եմ՝ բավական է խոսել Միխեիլ Սաակաշվիլիի մասին։ Հավանաբար, ժամանակն է, որ ամբողջ երկիրը արթնանա ու քնի Միխեիլ Սաակաշվիլիի պահվածքից, տարօրինակ մտքերից բացի այլ նորություններով։ Բանտարկյալն ունի իր իրավունքները։ Հնարավոր են դժվար պահեր, որոնք երբեմն կարող են անհասկանալի լինել ազատության մեջ գտնվող մարդու համար։ Նրա իրավունքները պաշտպանված են, դա  ամենակարեորն է։ Նա առողջ է, դա ամենակարևորն է։ Մնացածը, իհարկե, կասի անկախ դատարանը։ Դա անձամբ ինձ համար քաղաքական կամ որևէ այլ տիպի շահ չէ»,- ասել է Ծուլուկիանին։