Հերթական հակակառավարական ցույցերն են անցկացվում Թել Ավիվում և Երուսաղեմում
Թել Ավիվում բողոքի ցույցի ժամանակ ոստիկանությունը ջրցան մեքենաներ է կիրառել ցուցարարներին ցրելու համար։
Ցուցարարները փակել են մայրուղին՝ պահանջելով ազատ արձակել պատանդներին ու արտահերթ ընտրություններ անցկացնել։ Սրան զուգահեռ ցուցարարները պահանջում են Իսրայելի վարչապետ Բենիամին Նեթանյահուի հրաժարականը։
Ցուցարարների և ոստիկանների միջև բախումներ են տեղի ունեցել, որոնց ընթացքում առնվազն մեկ ցուցարար ձերբակալվել է։
Բողոքի ակցիա է անցկացվում նաև Երուսաղեմում, որտեղ ցուցարարները փակել են մայրուղին։