Հենց «Վրացական երազանքի» և Բիձինա Իվանիշվիլիի վաստակն է բոլոր շոշափելի ձեռքբերումները, որոնք կապված են Եվրամիությանը Վրաստանի ինտեգրման հետ,- այս մասին կառավարության նիստում հայտարարել է Վրաստանի վարչապետ Իրակլի Ղարիբաշվիլին։

Իրակլի Ղարիբաշվիլին շնորհավորել է Եվրահանձնաժողովի որոշումը Ուկրաինային և Մոլդովային կարգավիճակ շնորհելու վերաբերյալ։

«Հիշեք, անցյալ շաբաթ ես հրապարակավ ասացի, որ իմ եվրոպացի գործընկերներն ինձ ասում էին, և ես նաև հրապարակավ ասացի, որ Ուկրաինային տալիս են այս կարգավիճակը, քանի որ նա պատերազմի մեջ է։ Դուք տեսաք, որ մի քանի օր առաջ եվրոպացի առաջնորդներն արդեն հրապարակայնորեն հաստատում էին այն փաստը, որ իրենք այս որոշումը կայացրել են, քանի որ Ուկրաինան պատերազմի մեջ է, և իմ անձնական զրույցներում նաև ասացին, որ Մոլդովան նույնպես ամենածանր վիճակում է։ Այնպես որ, ես իսկապես չեմ նախանձում ո՛չ Ուկրաինային, ո՛չ Մոլդովային, ուզում եմ շնորհավորել մեր ուկրաինացի և մոլդովացի բարեկամ ժողովրդին այս հաջողության համար։ Ես ուզում եմ նրանց մաղթել խաղաղություն և երկրի միավորում։

Հիմա ես ուզում եմ նաև ասել մեր սիրելի ժողովրդին, որ դա Վրացական երազանքի և Բիձինա Իվանիշվիլիի վաստակն է Եվրամիությանը Վրաստանի ինտեգրման հետ կապված բոլոր շոշափելի ձեռքբերումները։ Հիշեցնեմ մի քանիսին մեր ժողովրդին՝ Ասոցացման համաձայնագիրը, ազատ առևտուրը, առանց վիզայի ռեժիմը և այժմ եվրոպական հեռանկարն ու թեկնածուի կարգավիճակը։ Այս ամենը, ընկերներ, կապված է «Վրացական երազանքի» կառավարման հետ։ Մեր երկրին մաղթում եմ խաղաղություն և երկրի միավորում»,- ասել է Իրակլի Ղարիբաշվիլին։