Հելսինկյան հանձնաժողով. Վրաստանի կառավարությանը կոչ ենք անում ազատ արձակել Նիկա Մելիային, լիցքաթափել ճգնաժամը և կրկին ներգրավվել երկխոսությանը
Հելսինկյան հանձնաժողովը արձագանքում է Վրաստանում տեղի ունեցող իրադարձություններին:
Հանձնաժողովի ղեկավարները «քննադատում են ընդդիմության առաջնորդ Նիկա Մելիայի ձերբակալությունը»: Համապատասխան հայտարարությունն ստորագրում են ԱՄՆ սենատոր Ռոջեր Ուիքերը, սենատոր Բեն Կարդինը, կոնգրեսականներ Էլսի Հասթինգսը և Ջո Վիլսոնը:
«Որպես «Եվրոպայում անվտանգության եւ համագործակցության կազմակերպության» մասնակից պետություն, Վրաստանը պարտավորվում է հարգել Վրաստանի ժողովրդավարական ինստիտուտները, մարդու իրավունքներն ու օրենքի գերակայությունը: Հակառակորդ քաղաքական կուսակցության շտաբի վրա հարձակվելը և նրա առաջնորդին ձերբակալելը չի համապատասխանում ժողովրդավարական առաջընթացին: Մենք Վրաստանի կառավարությանը կոչ ենք անում ազատել Նիկա Մելիային, լիցքաթափել ճգնաժամը և ագրեսիայի փոխարեն կրկին երկխոսել», – ասված է հայտարարության մեջ: