«Հայրենասերների դաշինքը» պաշտոնապես դիմեց խորհրդարանի նախագահին՝ պատգամավորական մանդատը դադարեցնելու պահանջով
«Հայրենասերների դաշինքի» առաջնորդ Իրմա Ինաշվիլին կուսակցության չորս պատգամավորների անունից պաշտոնապես դիմեց Վրաստանի խորհրդարանի նախագահին` պատգամավորական մանդատը դադարեցնելու պահանջով:
Իրմա Ինաշվիլիի հայտարարությամբ, քանի որ խորհրդարանական ընտրությունները կեղծվել են, և ընդդիմությունը բազմաթիվ ապացույցներ է ներկայացրել, նա գործընթացը համարում է ոչ լեգիտիմ և հրաժարվում է կիրառել տասներորդ գումարման խորհրդարանում ստացված մանդատը:
«Ես՝ Իրմա Ինաշվիլին, տասներորդ գումարման խորհրդարանի անդամ չեմ լինի: Պարզ ասեմ, որ այս ընտրությունները կեղծվել են միանգամայն անհավատալի, դրանք ոչ մի կեղծիքին չեն համապատասխանում, և դա չի կարող բացատրվել որևէ մաթեմատիկական կամ որևէ այլ բանաձևով, որ մեր կուսակցությունը ստացել է երեք տոկոս: Գոյություն ունեն բազմաթիվ ապացույցներ և փաստեր այն մասին, որ ընտրությունները կեղծվել են, և «Վրացական երազանքի» տրամաբանությունը, որ մենք ոչինչ չենք կարող ապացուցել, բոլորովին անիմաստ է: Դա հաստատվում է մի շարք փաստերով և նույնիսկ արձանագրությունների այդ 164 տոկոսով: Ուստի մենք այսօր լքում ենք մանդատները», – հայտարարել է Իրմա Ինաշվիլին:
«Հայրենասերների դաշինքի» մեկ այլ առաջնորդ Գոչա Թևդորաձեն նույնպես «Հայրենասերների դաշինք» կուսակցության առաջնորդի հետ միասին դիմում ներկայացրեց խորհրդարան:
Հիշեցնենք, որ «Քաղաքացիներ» կուսակցությունը, ինչպես նաև Իագո Խվիչիան և Վախտանգ Մեգրելիշվիլին չեն դիմել խորհրդարան՝ իրենց պատգամավորական լիազորությունները դադարեցնելու խնդրանքով: