Հայաստանի կառավարության մամուլի ծառայությունից հայտնում են, որ հեռախոսազրույց է տեղի ունեցել Հայաստանի վարչապետ Նիկոլ Փաշինյանի և Ֆրանսիայի նախագահ Էմանուել Մակրոնի միջև։

Հայկական լրատվամիջոցների փոխանցմամբ՝ Փաշինյանը և Մակրոնը քննարկել են Լաչինի միջանցքի ապօրինի արգելափակման հետևանքով Լեռնային Ղարաբաղում խորացող հումանիտար ճգնաժամին, Լեռնային Ղարաբաղի շուրջ ադրբեջանական զորքերի կուտակման, Հայաստան-Ադրբեջան պետական սահմանին լարվածության աճի միտումներին վերաբերվող հարցեր:

Փաշինյանը վերահաստատել է իր հավատարմությունը 2022 թվականի հոկտեմբերի 6-ի Պրահայի և 2023 թվականի մայիսի 14-ի Բրյուսելի պայմանավորվածություններին և բոլոր հարցերը բացառապես դիվանագիտական եղանակներով ու կառուցողական մթնոլորտում լուծելու մոտեցումներին:

Մակրոնն ընդգծել է, որ սահմանների երկայնքով լարվածության նվազեցումն անհրաժեշտ է և պատրաստ է աջակցել տարածաշրջանում խաղաղության և կայունության հաստատմանը։

Նիկոլ Փաշինյանը պատրաստակամություն է հայտնել բանակցություններ վարել Ադրբեջանի նախագահ Իլհամ Ալիևի հետ՝ լարվածությունը թուլացնելու նպատակով։