Հայաստանում Ֆրանսիայի դեսպան. Ֆրանսիան Հայաստանին մատակարարում է այլ երկրներին անհասանելի զինտեխնիկա

«Ֆրանսիան Հայաստանին մատակարարում է այլ երկրներին անհասանելի զինտեխնիկա»,- սոցցանցում գրառել է Հայաստանում Ֆրանսիայի դեսպան Օլիվիե Դեկոտինին։

Ֆրանսիացի դիվանագետը կիսվել է Politico-ի հոդվածով Thales-ի ֆրանսիական ռադարների, այդ թվում՝ Ground Master 200-ի մասին, որոնցից երեք միավոր առաքվել է Հայաստան։

Անցյալ տարվա հոկտեմբերին Ֆրանսիան հայտարարեց Հայաստանին աջակցելու մասին՝ երկրի հակաօդային պաշտպանությունն ուժեղացնելու նպատակով։ Կողմերը պայմանավորվել են նաև «Միստրալ» զենիթահրթիռային համալիրների մատակարարման շուրջ։