Հայաստանում ասում են, որ սահմանային գոտում ադրբեջանցի զինվորականների արձակած կրակից մեկ զինծառայող է զոհվել, Ադրբեջանը հերքում է մեղադրանքները
Հայաստանի իշխանությունների տեղեկություններով՝ սահմանային գոտում ադրբեջանցի զինվորականների արձակած կրակից հայկական բանակի մեկ զինծառայող է զոհվել։
Հայկական լրատվամիջոցները գրում են, որ հայ-ադրբեջանական սահմանի արևելյան հատվածում հակառակորդի կրակոցների հետևանքով հայկական բանակի սերժանտ է զոհվել։
Ադրբեջանի պաշտպանության նախարարությունը հերքել է այն պնդումները, թե իբր ադրբեջանական ստորաբաժանումների կողմից հայ զինծառայող է սպանվել։
«Մենք կտրականապես հերքում ենք հայկական կողմի տեղեկատվությունը»,- ասված է Ադրբեջանի ՊՆ հայտարարության մեջ։