Հայաստանի խորհրդարանում հայտարարել են, որ Հայաստանը խաղաղության պայմանագրի վերաբերյալ առաջարկներ է ստացել Ադրբեջանից
Հայաստանը խաղաղության պայմանագրի վերաբերյալ առաջարկներ է ստացել Ադրբեջանից. Երեւանն ու Բաքուն սկսում են բանակցային գործընթացի երրորդ փուլը, ասաց Հայաստանի խորհրդարանի արտաքին հարաբերությունների մշտական խորհրդարանական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Էդուարդ Աղաջանյանը։
Նրա խոսքով՝ մանրամասների մասին չի կարող խոսել։
«Հայկական կողմն իսկապես առաջարկներ է ստացել Ադրբեջանից, որոնք, ըստ էության, պատասխան են հայկական կողմի առաջարկներին։ Կարելի է ասել, որ քննարկվում է առաջարկների երրորդ փաթեթը։ Կարծում եմ՝ ճիշտ կլինի հիմա դա փաստաթուղթ անվանել։ Քանի որ այս մանրամասները հրապարակման ենթակա չեն, ես չեմ կարող բարձրաձայնել ու հրապարակել»,- ասաց պատգամավորը։
Էդուարդ Աղաջանյանի խոսքով, չի բացառվում, որ մինչև տարեվերջ հանդիպում տեղի ունենա Հայաստանի և Ադրբեջանի ղեկավարների կամ արտաքին գործերի նախարարների միջև։