Հայաստանի արտգործնախարարության խոսնակը հայտարարեց, որ 2021 թվականին Հայաստանը Ադրբեջանին փոխանցել է ականապատ դաշտերի 972 քարտեզ
2021 թվականին Հայաստանը Ադրբեջանին փոխանցել է ականապատ դաշտերի 972 քարտեզ, – այս մասին հայտարարել է Հայաստանի արտաքին գործերի նախարարության մամուլի խոսնակ Անի Բադալյանը։
Նրա խոսքով՝ Բաքուն այդ քարտեզները ստացել է 2021 թվականի հունիսի 12-ին, հուլիսի 3-ին, հոկտեմբերի 19-ին, նոյեմբերի 1-ին և նոյեմբերի 29-ին։
Անի Բադալյանի հայտարարությամբ՝ հումանիտար հարցերում համագործակցության սկզբունքների պահպանմամբ, Հայաստանը նաև նոր ուսումնասիրությունների հիման վրա ականապատ տարածքների քարտեզներ է փոխանցել Ադրբեջանին 2024 թվականի սկզբին։
«Ադրբեջանը մշտապես կասկածի տակ է դնում այս քարտեզների ճշգրտությունը, չնայած մեր բազմիցս հայտարարություններին, որ ավելի լավ կամ ճշգրիտ քարտեզներ պարզապես գոյություն չունեն։ Հայաստանը, ինչպես նախկինում, այժմ ևս պատրաստ է քարտեզներում նշված տվյալների ճշգրտությունը ստուգել միջազգային փորձագետների մասնակցությամբ։ Ավելին՝ Միջազգային դատարանը միանշանակ մերժել է Ադրբեջանի պահանջը՝ կիրառել ժամանակավոր միջոցներ Հայաստանի դեմ՝ իբր ականների տեղադրման մեղադրանքով», – նշել է Հայաստանի ԱԳՆ ներկայացուցիչը։