Մենք զարմացած ենք Իրանում տեղի ունեցած լուրից։ Մեր մտքերն ու աղոթքները նախագահ Ռայիսիի, նախարար Ամիրաբդոլահյանի և բոլորի հետ են,- ասված է Հայաստանի արտգործնախարարության հայտարարության մեջ։

«Մինչ փրկարարական աշխատանքները շարունակվում են, Հայաստանը՝ որպես Իրանի մերձավոր և բարեկամ հարևան, պատրաստ է ցուցաբերել անհրաժեշտ բոլոր աջակցությունը», – ասված է Հայաստանի ԱԳ նախարարության տարածած հաղորդագրությունում։

Հիշեցնենք, որ լրատվամիջոցները հայտնել էին, որ կործանվել է Իրանի նախագահի ուղղաթիռը։ Սակայն ավելի ուշ Իրանի ներքին գործերի նախարարը հայտարարեց, որ Իրանի նախագահ Իբրահիմ Ռայիսիի ուղղաթիռը «կոշտ վայրէջք է կատարել»։ Լրատվամիջոցների տեղեկություններով՝ Ռայիսին վերադառնում էր Իրան-Ադրբեջան սահմանային գոտուց և շարժվում դեպի հյուսիս-արևմտյան Թավրիզ քաղաք։ Պատվարի բացման արարողությանը մասնակցել են Իրանի և Ադրբեջանի նախագահները։ Իրանական լրատվամիջոցների փոխանցմամբ՝ ուղղաթիռի ուղեւորների թվում Իրանի նախագահի հետ միասին է նաեւ երկրի արտաքին գործերի նախարար Հոսեյն Ամիրաբդոլայանը։