Հայաստան-Վրաստան հանդիպման հանրային ցուցադրությունը կկայանա Առաջին Հանրապետության հրապարակում
Վրաստանի ֆուտբոլի ազգային հավաքականը ՈւԵՖԱ-ի Ազգերի լիգայի փլեյ-օֆֆի արտագնա հանդիպումը կանցկացնի Հայաստանի հավաքականի հետ։
Ինչպես նշել է Թբիլիսիի քաղաքապետ Կախա Կալաձեն քաղաքային կառավարության նիստում, մարտի 20-ին, ժամը 21:00-ից, Առաջին Հանրապետության հրապարակում տեղադրված կլինի մեծ էկրան, որտեղ կկազմակերպվի ֆուտբոլային հանդիպման հանրային ցուցադրություն։
«ՈւԵՖԱ-ի Ազգերի լիգայի փլեյ-օֆֆում Վրաստանի հավաքականը կհանդիպի Հայաստանի հետ։ Առաջին հանդիպումը տեղի կունենա մարտի 20-ին՝ Երևանում, իսկ մարտի 23-ին Վրաստանի հավաքականը կընդունի մրցակցին «Դինամո Արենայում»։
Ինչպես միշտ, մենք պետք է մեծ նվիրումով, էներգիայով և հաղթանակի սպասումով երկրպագենք մեր ազգային հավաքականին։
Նրանց, ովքեր չեն կարողանա ներկա գտնվել մարզադաշտում, հրավիրում ենք մարտի 20-ին, ժամը 21:00-ին, Առաջին Հանրապետության հրապարակ, որտեղ Թբիլիսիի քաղաքապետարանի և Վրաստանի ֆուտբոլի ֆեդերացիայի կազմակերպմամբ հանդիպումը կցուցադրվի մեծ էկրանին։
Կրկին շնորհակալություն եմ հայտնում Ֆուտբոլի ֆեդերացիային համագործակցության համար, իսկ մեր տղաներին մաղթում եմ հաջողություններ և հաղթանակներ», – նշել է Թբիլիսիի քաղաքապետը։
Կախա Կալաձեի խոսքով՝ Առաջին Հանրապետության հրապարակի հարակից տարածքում գործելու են սննդի կետեր և հավաքականի պաշտոնական խանութը, որտեղ երկրպագուները կարող են ձեռք բերել թիմի խորհրդանշական ատրիբուտիկան։