Հատուկ քրեակատարողական ծառայության բժշկական վարչության պետ Մալխազ Ուրթքմելիձեի խոսքով, լրագրող Մզիա Ամաղլոբելիի առողջական վիճակը բավարար է և կայուն։

Բացի այդ, ըստ Ուրթքմելիձեի, Քրեակատարողական ծառայությունը կոչ է անում Մզիա Ամաղլոբելիին, դադարեցնել հացադուլը։

«Նա շարունակական մոնիտորինգի է ենթարկվում։ Լաբորատոր հետազոտություններն անցկացվում են գործնականում ամեն օր։ Այս փուլում, վերջին տվյալներով, էական փոփոխություններ չեն նկատվում։

Ժողովրդական պաշտպանի ներկայացուցիչն ամեն օր հանդիպում է ամբաստանյալի հետ և տեղեկացվում նրա առողջական վիճակի մասին։ Տեղեկությունը տրամադրվում է նաև փաստաբանի պահանջով:

Եվս մեկ անգամ ցանկանում ենք ընդգծել, որ մեզ համար առաջնահերթություն է ցանկացած բանտարկյալի անվտանգությունն ու առողջությունը։ Այս փուլում Մզիա Ամաղլոբելիի կյանքին վտանգ չի սպառնում։ Նրա առողջության մասին հոգածությունը շարունակական կլինի։

Մենք կոչ ենք անում Մզիա Ամաղլոբելիին, դադարեցնել հացադուլը՝ ելնելով իր առողջության լավագույն շահերից»,- ասել է Ուրթքմելիձեն։