Հատուկ քննչական ծառայության կողմից անցկացված հետաքննության արդյունքում Վրաստանի ՆԳՆ պարեկային ոստիկանության դեպարտամենտի պարեկային տեսուչ Գ.Ի.-ն բացահայտվել է քաղաքացու նկատմամբ խմբային ֆիզիկական բռնություն գործելու փաստով,- հայտնում է Հատուկ քննչական ծառայությունը։

«Քննությամբ պարզվել է, որ իրավապահ մարմինների աշխատակիցը ուղեկցող անձի հետ 2023 թվականի սեպտեմբերի 28-ին Ախալցխայի գազալցակայանի տարածքում կենցաղային հողի վրա ֆիզիկական բռնության է ենթարկել քաղաքացու՝ պատճառելով առողջությանը թեթեւ վնաս։

Հատուկ քննչական ծառայության ձեռք բերված ապացույցների հիման վրա Վրաստանի դատախազությունը պարեկային ոստիկանության աշխատակցին մեղադրանք է առաջադրել՝ խմբով առողջությանը թեթեւ վնաս պատճառելու համար՝ Վրաստանի քրեական օրենսգրքի 120-րդ հոդվածի 2-րդ մասով։ Հանցագործությունը պատժվում է ազատազրկմամբ՝ առավելագույնը 5 տարի ժամկետով։

Գործով Հատուկ քննչական ծառայությունը շարունակում է նախաքննությունը»,- նշված է Հատուկ քննչական ծառայության հաղորդագրության մեջ։