ՆԳ նախարար Վախտանգ Գոմելաուրին այցելել է Հատուկ առաջադրանքների վարչության Թբիլիսիի բազա: Վախտանգ Գոմելաուրին պատգամավորների՝ Իոսեբ Ճելիձեի և Գիորգի Բութխուզիի հետ ստուգեցին բազայի տարածքում առկա ենթակառուցվածքները և նոր մարզադահլիճը:
ՆԳ նախարարը մանրամասն ծանոթացավ նաեւ Հատուկ առաջադրանքների վարչության աշխատակազմի աշխատանքային պայմաններին:
Նոր, ժամանակակից մարզադահլիճը համապատասխանում է եվրոպական չափանիշներին: Այն հագեցած է նորագույն մարզական գույքով, մարզասարքերով և ցնցուղներով:
Ներքին գործերի նախարարը հետաքրքրվել է նաև Հատուկ առաջադրանքների վարչության սննդի մատակարարմամբ, ծանոթացել է բազայում սպասարկող անձնակազմի սննդի չափաբաժնին և զննել զորանոցի ճաշարանը:
Աշխատանքային գործընթացի վերաբերյալ Վախտանգ Գոմելաուրին համապատասխան հանձնարարականներ է տվել Հատուկ առաջադրանքների վարչության պետերին:
Տեղեկատվությունը տարածում է Վրաստանի ներքին գործերի նախարարությունը: