«Հաշմանդամություն ունեցող անձանց իրավունքների մասին» օրենքի կիրարկման միջոցառումների միասնական համակարգող խորհրդի անդամները տարվա ամփոփիչ միջոցառմանը քննարկել են ընթացիկ ծրագրերն ու առաջիկա անելիքները։

Տեղեկությունը տարածում է օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարարությունը։

Գերատեսչության տվյալներով՝ հանդիպումը բացել է առողջապահության փոխնախարար Թամիլա Բարկալաիան։

«Թամիլա Բարկալաիան խոսել է խորհրդի և իրականացված և իրականացվող ծրագրերի կարևորության մասին՝ հաշմանդամների իրավունքների պաշտպանության առումով։ Միջոցառմանը ելույթ են ունեցել նաև վարչապետի մարդու իրավունքների պաշտպանության հարցերով խորհրդական Նիկո Թաթուլաշվիլին, «Վրացական երազանք» խորհրդարանական խմբակցության փոխնախագահ Ռատի Իոնաթամիշվիլին և Չեխիայի դեսպանատան զարգացման համագործակցության ղեկավար Յանա Զելինգերովան։

Հանդիպմանը նախարարության սոցիալական պաշտպանության, փախստականների և աշխատանքի քաղաքականության դեպարտամենտի ղեկավար Թամար Կուրտանիձեն ներկայացրել է Վրաստանում հաշմանդամություն ունեցող անձանց համար այլընտրանքային ծառայությունների զարգացման վերաբերյալ շնորհանդեսը։ Միջոցառման մասնակիցները քննարկել են հաշմանդամություն ունեցող անձանց կարիքները և հետագա անելիքները: