Ռուսական կողմի հետ մի քանի քայլեր են ձեռնարկվել՝ կապված Հարավային Օսիայի՝ Ռուսաստանի Դաշնության կազմ մտնելու հետ, – այս մասին Ռուսաստանում ունեցած հանդիպումներից հետո հայտարարել է օկուպացված Ցխինվալի շրջանի ինքնահռչակ նախագահ Ալան Գագլոևը։

Գագլոևի խոսքով, ստեղծվել է մի իրավիճակ, երբ Հարավային Օսիան միանում է Ռուսաստանի Դաշնությանը, իսկ ինքը՝ Ռուսաստանը, դեռ չգիտեր այդ մասին։

«Մենք հայտնել ենք մեր դիրքորոշումը, որ բոլորս կողմ ենք հանրաքվեին, ցանկանում ենք, որ Հարավային Օսիան դառնա Ռուսաստանի մաս։ Ռուսական կողմի հետ մի քանի քայլ է մշակվել այս խնդրի զարգացման ուղղությամբ։ Հանրաքվեի ձևակերպումը նույնպես լուրջ հարցեր է առաջացնում՝ Դուք կո՞ղմ եք Հարավային Օսիայի Հանրապետության և Ռուսաստանի միավորմանը։ Մենք պայմանավորվել ենք կոնկրետ ձևակերպման շուրջ, քանի որ հնարավոր է Ռուսաստանի մաս դառնալ որպես առանձին սուբյեկտ, ինչպես նաև որպես առանձին սուբյեկտ Հյուսիսային Օսիայի հետ հետագա միավորմամբ։ Ուստի մենք հանրության մասնակցությամբ այդ հարցը կքննարկենք հանրապետության խորհրդարանում, որից հետո կշարունակենք խորհրդակցությունները ռուսական կողմի հետ»,- ասել է անջատողական ռեժիմի ղեկավարը։