Ազգային վիճակագրական ծառայության կողմից կազմակերպված, կանանց նկատմամբ բռնության ազգային հետազոտության հետ կապված, հանդիպում է կայացել Թբիլիսի Մարիոթ հյուրանոցում:

Հանդիպմանը ներկա էին նաև ՄԱԿ-ի կանանց իրավունքների պաշտպանության ներկայացուցիչները, Ազգային վիճակագրական ծառայության ղեկավար Գոգիտա Թոդրաձեն, Վրաստանի Առաջին ալիքի գլխավոր տնօրեն Թինաթին Բերձենիշվիլին։

Հետազոտության մեդիա աջակիցն է Հանրային հեռարձակողը։ Վրաստանի Առաջին ալիքի գլխավոր տնօրեն Թինաթին Բերձենիշվիլիի խոսքով՝ հեռուստաալիքի կողմից բռնության դեմ սկսված արշավը շատ կարևոր է։

«Կանանց նկատմամբ բռնության դեմ արշավը, որը սկսել է հեռուստաալիքը, շատ կարևոր է հանրային հեռարձակողի համար։ Բոլորն իրենց գործընկերների հետ ուժ են հավաքում, որպեսզի հասարակությունն ավելի տեղեկացված լինի այս ամենի մասին։ Վրաստանում նման մասշտաբային հետազոտություն արդեն երկրորդ անգամ է անցկացվում։ Մենք կփորձենք ներգրավվել այս գործընթացի ֆոնին՝ հանրությանը ճիշտ իրազեկելու համար»,- ասել է Թինաթին Բերձենիշվիլին։

Վրաստանի Ազգային վիճակագրական ծառայությունը Կանանց նկատմամբ բռնության ազգային հետազոտությունը կանցկացնի ՄԱԿ-ի Կանանց կազմակերպության (UN WOMEN) ֆինանսական և տեխնիկական աջակցությամբ։ Ըստ Վիճակագրության ծառայության, դաշտային աշխատանքները նախատեսվում է իրականացնել 2022 թվականի հոկտեմբեր-նոյեմբեր ամիսներին, որին ամբողջ երկրում կմասնակցի 4400 հարցված։ Սեփական տեղեկությունների համաձայն՝ այս նպատակով այս տարվա հոկտեմբերին ուսումնասիրությանը մասնակցող 90 դաշտային անձնակազմ կանցնի լայնածավալ վերապատրաստում։

Վիճակագրության ծառայության հարցազրուցավարները մանրամասն կծանոթանան հետազոտության մեթոդաբանությանը, հարցաթերթիկների լրացման հրահանգներին և դաշտային ընթացակարգերին վերաբերող տարբեր հարցերի: Հետազոտության տվյալների հավաքագրումը կիրականացվի պատասխանողի դեմ առ դեմ հարցման միջոցով՝ օգտագործելով պլանշետային համակարգիչ:

Ըստ Ազգային վիճակագրական ծառայության՝ հարցման նպատակն է 15-69 տարեկան տղամարդկանց և կանանց մասին տեղեկություններ հավաքել այնպիսի հարցերի վերաբերյալ, ինչպիսիք են՝ ֆինանսական վիճակն ու աշխատանքին առնչվող ասպեկտները, առողջությունը, բռնություն ամուսնու/զուգընկերոջ և ոչ զուգընկերոջ կողմից, վնասվածքներ, բռնության ազդեցություն և օգնություն փնտրելու վարքագիծ, սեռական ոտնձգություն, հետապնդում, սոցիալական նորմեր և վերաբերմունք:

Հետազոտության արդյունքները հասանելի կլինեն 2023 թվականին։ Նշված հարցումն առաջին անգամ անցկացվել է 2017 թվականին, որի արդյունքները տեղադրված են Վիճակագրության ծառայության կայքում։