Հիվանդությունների վերահսկման ազգային կենտրոնի ղեկավար Ամիրան Գամղրելիձեի հայտարարությամբ, անհրաժեշտ է հնարավորինս կենտրոնացնել բժշկական ոլորտը: Նրա խոսքով, ընթանում է բժշկական համալսարանի բարձր կուրսերի ուսանողների ու ռեզիդենտների վերապատրաստումը, որպեսզի բժիշկների հետ միասին նրանք օգնեն վարակվածներին:

«Համակարգող խորհրդի նախորդ նիստում և այսօր հանձնարարական էր, որ կենտրոնացնեինք բժշկական ցանցը: Այստեղ մտնում են իմ գործընկերները, ովքեր այսօր չեն աշխատում և բարձր կուրսերի ուսանողները, խոսքը վերաբերում է 6-րդ կուրսեցիներին, ինչպես նաև ռեզիդենտներին: Ինչպես գիտեք, այսօր մենք պատերազմում ենք: Համավարակը պատերազմից պակաս չէ, ուստի անհրաժեշտության դեպքում պետք է տեղի ունենա ամբողջական կենտրոնացում, այդ թվում բժշկական անձնակազմի, ինչպես նաև ուսանողների: Հեռախոսային կենտրոնի կառավարումը, մարդկանց խորհուրդներ տալը, հանձնարարականների տալը հեշտ է: Այսպիսով, կազմվում է արագ ուսումնական պլան ՝ ուսանողներին վերապատրաստելու համար, թե ինչ պետք է իմանան կովիդի մասին: Համոզված եմ, որ նրանք ազատ կաշխատեն որպես բժիշկների օգնականներ»,- ասել է Ամիրան Գամղրելիձեն: