Վրաստանն այսօր պաշտոնապես մեկնարկեց մարդկային կապիտալի ծրագիրը՝ Համաշխարհային բանկի և Ֆրանսիայի զարգացման գործակալության աջակցությամբ, որի նպատակն է մեծացնել երկրի տնտեսական ներուժը՝ ներդրումներ կատարելով առողջապահության, կրթության և սոցիալական պաշտպանության ոլորտներում։

Համաշխարհային բանկի տվյալներով՝ դա բազմակողմանի ներդրում է, որը Համաշխարհային բանկը իրականացրել է Վրաստանի հետ 30 տարվա գործընկերության ընթացքում, և դա նաև առաջին նախագիծն է, որը համակողմանիորեն կենտրոնանում է մարդկային կապիտալի զարգացման բոլոր երեք կարևոր ոլորտների վրա։

Մարդկային կապիտալի ծրագրին աջակցելու համար Համաշխարհային բանկը հատկացրել է 400 մլն ԱՄՆ դոլարի ներդրում, իսկ Զարգացման ֆրանսիական գործակալությունը (AFD) տրամադրել է 100 մլն եվրոյի համաֆինանսավորում։

Ծրագրի մեկնարկին նվիրված միջոցառմանը այսօր տեղի ունեցավ համաֆինանսավորման համաձայնագրի ստորագրման պաշտոնական արարողությունը։

Ինչպես հայտնել է Զարգացման ֆրանսիական գործակալության տնօրեն Ռաֆայել Ժոզանը, Զարգացման ֆրանսիական գործակալությունը 100 մլն եվրո է ծախսում Վրաստանում մարդկային կապիտալի զարգացման համար։

Նրա խոսքով՝ 2018 թվականից Ֆրանսիան աշխատում է Վրաստանի կառավարության հետ առողջապահության և սոցիալական ապահովության ոլորտում։

«Կառավարության հետ համատեղ աշխատում ենք ներքին տեղահանվածների սոցիալական նորմերի ու չափորոշիչների մշակման, հոգեկան առողջության համար։ Մենք ցանկանում ենք ավելին անել կառավարության հետ, քանի որ սոցիալական բարեկեցությունը երկրում մեր աշխատանքի հիմքն է: Կառավարությունը համաձայն է աշխատել մեզ հետ, բայց մենք ցանկանում ենք փոխել մեթոդը, որպեսզի գործընկերների միջև ավելի շատ համակարգվածություն լինի։ Մենք հովանավորվում ենք Համաշխարհային բանկի հետ, և թիմը հիանալի աշխատանք է կատարում ծրագրի իրականացման գործում: Սա հավելյալ արժեք է բերում գենդերային, կլիմայի փոփոխության և ԵՄ նորմերի առումով, քանի որ մենք ԵՄ-ի զարգացման գործընկերներն ենք»,- ասաց Ռաֆայել Ժոզանը։