Համաշխարհային բանկը հրապարակել է Եվրոպայի և Կենտրոնական Ասիայի տարածաշրջանի տնտեսական ակնարկը, որը ներկայացնում է տարածաշրջանի և դրանում ներառված երկրների, այդ թվում՝ Վրաստանի տնտեսական աճի կանխատեսումները։

Զեկույցի համաձայն՝ 2023 թվականին Վրաստանի տնտեսական աճի կանխատեսումները ճշգրտվել են մինչև 5,9 տոկոս, այսինքն՝ աճի ուղղությամբ՝ սպառողական ծախսերի և ներդրումների կայունության պահպանման հաշվին։

«2022 թվականին Վրաստանը և Հայաստանը երկրորդ անգամ անընդմեջ Եվրոպայի և Կենտրոնական Ասիայի երկրների շարքում ամենաարագ աճող տնտեսություններ ունեցող երկրներն էին»,- նշվում է զեկույցում։

Զեկույցի համաձայն՝ Վրաստանը 2023 թվականի երկրորդ եռամսյակում պահպանել է արագ տնտեսական աճի իր թափը և անցյալ տարվա երկրորդ եռամսյակի համեմատ արտադրությունն աճել է 7,5 տոկոսով։ 2023 թվականին Վրաստանի տնտեսական աճի կանխատեսումները ճշգրտվել են մինչև 5,9 տոկոս, այսինքն՝ աճի ուղղությամբ՝ սպառողական ծախսերի և ներդրումների կայունության պահպանման հաշվին։

«Հարավային Կովկասում արտահանումը զգալիորեն աճում էր, իսկ Վրաստանում մեքենաների վերաարտահանման բումը հանգեցրեց արտահանման երկնիշ աճի, չնայած մետաղի արտահանման նվազմանը, որը հետևեց համաշխարհային գների անկմանը:

Վերջին ամիսներին դրամական փոխանցումների ներհոսքը նվազել է, սակայն մնացել է կայուն։

Հարավային Կովկասի երկրները գնանկումով առաջատարներն են Եվրոպայի և Կենտրոնական Ասիայի տարածաշրջանում։ Պարենամթերքի և էներգակիրների ներմուծման գների կտրուկ նվազումը, զուգորդված տեղական արժույթի ամրապնդման հետ, գնաճի դինամիկայի հիմնական որոշիչն է»,- ասվում է զեկույցում։