Համալսարանի նոր վերանորոգված փողոցում երթեւեկությունը երկու ուղղություններով վերականգնվել է։ Մայրաքաղաքի քաղաքապետ Կախա Կալաձեն վերականգնողական աշխատանքների արդյունքներին ծանոթացել է իր տեղակալ Իրակլի Բենդելիանիի և Թբիլիսիի քաղաքային խորհրդի նախագահ Գիորգի Տղեմալաձեի հետ։

«Համալսարանական փողոցն ավարտված է: Ավտոմոբիլային երթևեկությունը, որը սահմանափակված էր, այսօր երկկողմանի բաց է և հնարավոր է ազատ տեղաշարժվել։ Քիչ աշխատանք է մնում։ Սա մայթերի ամբողջական կազմակերպումն է, կանաչապատման աշխատանքները՝ ամբողջ փողոցում, որտեղ հնարավոր է, տնկվում են նոր ծառեր և բույսեր։ Բացի այդ, այնտեղ, որտեղ գծվել են զեբրային անցումներ, դրանք հարմարեցված են հաշմանդամություն ունեցող անձանց համար։ Այս աշխատանքների համար մոտ մեկ շաբաթ կպահանջվի, թեեւ երթեւեկությունը բաց է, հնարավոր է ազատ տեղաշարժվել։ Գիտեք, որ այս նախագծի շրջանակներում ամբողջությամբ փոխվել են ստորգետնյա կոմունիկացիաները, որոնք գտնվում էին վատթարագույն վիճակում։ Կազմակերպվել է լուսավորության նոր ցանց, ստեղծվել են մայթեր, որոնք չկային, և հնարավոր կլինի ազատ տեղաշարժվել ոտքով»,- ասել է Կախա Կալաձեն։

Տեղում են գտնվել ենթակառուցվածքների զարգացման ծառայության ղեկավար Գիորգի Աբուտիձեն, «Թբիլսերվիս գրուպ»-ի ղեկավար Դավիթ Փաչուլիան և Վակեի շրջանի գամգեբելի Դավիթ Կվինիկաձեն։

Թբիլիսիի քաղաքապետարանի տվյալներով՝ փողոցում բոլոր տեսակի ստորգետնյա կապի ցանցերը ամբողջությամբ փոխվել և թարմացվել են: Վերականգնվել է 2,5 կիլոմետր ճանապարհ, որտեղ մի քանի շերտ ասֆալտապատվել է: Ստորգետնյա մալուխային ալիքներում տեղադրվեցին օդային լարեր, կազմակերպվեց արտաքին լուսավորության նոր ցանց: Տեղադրվել են ժամանակակից LED լույսեր: Կազմվել է չորս երթևեկելի վերև վար ճանապարհ և կազմակերպվել են հասարակական տրանսպորտի համար սպասարկման նոր վայրեր: Ավարտվում են ծածկապատման աշխատանքները։

Ինչպես հայտնում են մայրաքաղաքի քաղաքապետարանից, ճանապարհի անվտանգության համար առանձին վայրերում կառուցվել են թեքապաշտպան պատեր։ Նշված աշխատանքները ֆինանսավորվել են մայրաքաղաքի բյուջեից 18 մլն լարիով։