Հիվանդությունների վերահսկման ազգային կենտրոնի ղեկավար, Ամիրան Գամղրելիձեի հայտարարությամբ, կորոնավիրուսի դեպքերի աճը պայմանավորված է նոր շտամներով: Ըստ նրա, ամբողջ Եվրոպայում հնդկական շտամի շրջանառությունն աստիճանաբար փոխարինում է բրիտանական շտամին:

Գամղրելիձեն ասում է, որ այս ֆոնին համավարակաբանական իրավիճակի վատթարացման ռիսկերը լուրջ են, այդ իսկ պատճառով անհրաժեշտ է զգույշ լինել:

Ինչպես հայտարարում է Գամղրելիձեն, համակարգող խորհրդի անդամներին խորհուրդ է տրվել ամռանը համաժողովների և հավաքների ժամանակ թույլատրել միայն երկու անգամ պատվաստված անձանց:

«Իհարկե, համավարակաբանական ռիսկերը լուրջ են: Ինչպես գիտեք, կորոնավիրուսի նոր դեպքերի աճը նոր շտամների հաշվին է: Հնդկական շտամի շրջանառությունն ամբողջ Եվրոպայում աստիճանաբար փոխարինում է բրիտանական շտամը: Ըստ կանխատեսումների, այն գրեթե ամբողջությամբ կփոխարինի բրիտանական շտամը օգոստոսի կեսերին: Հետևաբար, մենք պետք է շատ զգույշ լինենք:

Այսօրվա մեր առաջարկություններից մեկն այն էր, որ այս ամռանը համաժողովներին, հավաքներին, եթե այդպիսիք կլինեն, թույլ տան մասնակցել միայն երկու դեղաչափով պատվաստված անձանց: Բացի այդ, որպեսզի հյուրանոցն անվտանգ լինի, անհրաժեշտ է, որ հյուրանոցի անձնակազմը պատվաստվի երկու անգամ, հյուրանոցի տարածքում, որտեղ անցկացվում է հավաքը, համաժողովը, պետք է լինեն մարդիկ, ովքեր պատվաստվել են երկու անգամ: Այսօր վարակի տարածումը դադարեցնելու հիմնական միջոցը պատվաստումն է: Եթե մենք չենք ցանկանում իրավիճակը վատթարանա, բնակչությունը պետք է հնարավորինս պատվաստվի: Այսօր երկրում պատվաստանյութի պակաս չկա», – հայտարարել է Ամիրան Գամղրելիձեն: