Հաջորդ տարի Սաուդյան Արաբիայում կբացվեն առաջին հանրային կինոթատրոնները
11:52, 12.12.2017
Հանրային կինոթատրոններն առաջին անգամ կսկսեն աշխատել Սաուդյան Արաբիայում հաջորդ տարվա սկզբից։ Այս մասին, ինչպես հայտնում է Reuters գործակալությունը, հայտարարել է թագավորության մշակույթի և տեղեկատվության հարցերով նախարար Ավադ բեն Սալեհ ալ-Ավադը։
«Մենք սպասում ենք, որ առաջին կինոթատրոնները կբացվեն 2018 թվականի մարտին»,-ասել է նա։
Ալ-Ավադը նաև նշել է, որ կինոթատրոններին լիցենզիաներ տրամադրելու գործընթացն արդեն սկսվել է։
Ֆիլմերի հանրային ցուցադրությունը Սաուդյան Արաբիայում արգելվել էր 1980-ական թվականներից։ Սաուդցի կրոնական գործիչները հանրային հավաքներն ու ժամանցային միջոցառումները համարում են «մեղքի տնկարան» և կոչ անում երիտասարդներին հրաժարվել նման վայրեր այցելելուց։ Նրանք նաև արգելում են սոցցանցերի օգտագործումը։
