Հաջորդ շաբաթ մենք ընդունելու ենք Ընտրական օրենսգրքի կարևոր բարեփոխում, որը կփոխի մոտեցումը և այլևս հիմք չի հանդիսանա ընտրությունների արդյունքները կասկածի տակ դնելու համար
Հաջորդ շաբաթ մենք ընդունելու ենք Ընտրական օրենսգրքի կարևոր բարեփոխում, որը կփոխի մոտեցումը և այլևս հիմք չի հանդիսանա ընտրությունները և ընտրությունների արդյունքները կասկածի տակ դնելու համար, – ասաց խորհրդարանի խոսնակ Կախա Կուճավան լիագումար նիստին, որտեղ քննարկվում էր Ընտրական օրենսգրքում փոփոխություններ կատարելը:
Կախա Կուճավան շնորհակալություն հայտնեց աշխատանքային խմբին կատարված աշխատանքի համար և շեշտեց, որ օրենսդրական գործընթացում կարևոր է կառուցողականությունը:
«Երեկ հատկապես հետաքրքիր էր լսել քննադատությունը, քննարկումը և ամենակարևորը՝ տեսնել այն կառուցողականությունը, որն իսկապես մեզ անհրաժեշտ է, եթե ուզում ենք օրենքներ ընդունել համաձայնությամբ: Ես չեմ կարող հատուկ շնորհակալություն չհայտնել Շալվա Պապուաշվիլիին և Լևան Իոսելիանիին, ովքեր փետրվարին սկսեցին աշխատել այս օրինագծի, այս այս բարեփոխման վրա:
Լրատվամիջոցների և հասարակության ուշադրությունը խորհրդարանի նկատմամբ հիմնականում կենտրոնանում է այն ժամանակ, երբ կա որոշակի հատուկ աղմուկ, սակայն, կատարվող մեծ աշխատանքը հաճախ կորչում է, և սա այն դեպքն է, երբ, իրոք, անխոնջ աշխատանքով, մի քանի ամիս անց, մենք այսօր երկրորդ ընթերցմամբ ավարտում ենք այս օրենքի ընդունումը:
Մնացել են որոշ հարցեր, խմբագրական փոփոխություններ, և երրորդ ընթերցմամբ մենք հաջորդ շաբաթ ընդունելու ենք այս իսկապես կարևոր բարեփոխումը, որը մեկընդմիշտ կփոխի մոտեցումը և այլևս առիթ չի լինի կասկածի տակ դնել ընտրությունները և ընտրությունների արդյունքները», – ասում է Կախան Կուճավան: