Հայտնի է դարձել «Միսս տիեզերք» գեղեցկության մրցույթի հաղթողը (լուսանկարներ, տեսանյութ)
10:54, 27.11.2017
Ամերիկյան Լաս Վեգաս քաղաքի Planet Hollywood Resort & Casino խաղատանը կայացել է «Միսս տիեզերք-2017» գեղեցկության մրցույթի եզրափակիչը, որի ժամանակ հայտնի է դարձել հաղթողը:
Ինչպես նշում է The Daily Mail-ը, բաղձալի կոչմանն ու գեղեցկուհու թագին է արժանացել Հարավաֆրիկյան Հանրապետության 22-ամյա ներկայացուցիչ Դեմի Լի Նել Պիտերսը:
Աղբյուրը մանրամասնում է, որ Նել Պիտերսն ինքնապաշտպանության գծով մարզիչ է, իսկ վերջերս էլ ավարտել է համալսարանը՝ մասնագիտանալով մենեջմենթի ոլորտում:
Ինչ վերաբերում է լավագույն եռյակին, ապա 2-րդ և 3-րդ տեղերը զբաղեցրել են Կոլումբիայի և Յամայկայի ներկայացուցիչները՝ համապատասխանաբար:
Հիշեցնենք, որ ավելի վաղ կայացել էր «Միսս աշխարհ-2017» գեղեցկության մրցույթը, որում հաղթել է Հնդկաստանի ներկայացուցիչ մոդել Մանուշի Չհիլարը:
