Ռուսթավի-Գարդաբանի ընտրատարածքում հաղթելու Բադրի Ջափարիձեի շանսերը նվազել են, հատկապես այն բանից հետո, երբ «Միացյալ ազգային շարժումը» հայտարարեց նրա աջակցության մասին,- Վրաստանի Առաջին ալիքին ասել է խորհրդարանական մեծամասնության անդամ Գուրամ Մաճարաշվիլին։

«Լելոյի» ոչ բոլոր կողմնակիցներն են «Ազգային շարժման» կողմնակիցները։ Հենց խորհրդարանական ընտրություններում «Լելոն» ասոցացվեց «Ազգային շարժման» հետ, «Լելոն» շատ ավելի քիչ ձայներ ստացավ ՏԻՄ ընտրություններում։

Իհարկե, մեծամասնական ընտրակարգով պատգամավորի մեր թեկնածուն հաղթելու է Ռուսթավիում և Գարդաբանիում։ Ընտրողները լավ են տեսնում, թե ով է ժողովրդավարական ինստիտուտների կողմնակիցը և ով՝ ժողովրդավարական ինստիտուտները վիրավորողը»,- ասել է Գուրամ Մաճարաշվիլին։

Հիշեցնենք, որ խորհրդարանը փետրվարի 15-ին կայացած քվեարկության արդյունքում դադարեցրել էր «Լելոյի» առաջնորդներից մեկի՝ Բադրի Ջափարիձեի մանդատը։ Բադրի Ջափարիձեի պատգամավորական մանդատի դադարեցման հարցը քննարկելու առիթ է հանդիսացել դատարանի մեղադրական վճիռը։ Մանդատի դադարեցումից հետո «Լելոն» հայտարարեց, որ միջանկյալ ընտրություններում Բադրի Ջափարիձեն կառաջադրվի Ռուսթավիում որպես մեծամասնական թեկնածու։