Գրիգոլ Լիլուաշվիլին հանդիպել է Ժնևի միջազգային բանակցությունների համանախագահ Տոյվո Կլաարին
Վրաստանի Պետական անվտանգության ծառայության ղեկավար Գրիգոլ Լիլուաշվիլին հանդիպել է Հարավային Կովկասում և Վրաստանում ճգնաժամի հարցերով ԵՄ հատուկ ներկայացուցիչ և Ժնևի միջազգային բանակցությունների համանախագահ Տոյվո Կլաարին:
Ըստ ՊԱԾ-ի, կողմերը քննարկել են բռնազավթված շրջաններում անօրինական կերպով ձերբակալված Վրաստանի քաղաքացիների անվերապահ ազատման հարցը:
Կողմերը քննարկել են իրավիճակը բռնազավթված տարածքներում և օկուպացիոն գծի երկայնքով, ինչպես նաև անվտանգության ոլորտում առկա մարտահրավերները:Հանդիպման ընթացքում քննարկվել է օկուպացված տարածքներում մարդասիրական իրավիճակը, այդ թվում՝ կորոնավիրուսի համավարակի համատեքստում:
Գրիգոլ Լիլուաշվիլին շեշտել է Եվրամիության դիտորդական առաքելության (EUMM) հատուկ դերը և մանդատին համապատասխան, բռնազավթված տարածքներում նրա անսահմանափակ մատչելիության հրատապ անհրաժեշտությունը:
Հանդիպման մասնակիցները խոսել են առկա բանակցային ձևաչափերի, մասնավորապես՝ Ժնևի միջազգային բանակցությունների և միջադեպերի կանխարգելման և դրանց արձագանքման մեխանիզմի ներուժի արդյունավետ օգտագործման և ամրապնդման անհրաժեշտության մասին: