Բնականաբար, սա Գախարիայի և նրա թիմի որոշումն է։ Մեր թիմի որոշումն ի սկզբանե այլ էր, մենք հրաժարվեցինք մեր մանդատներից, լքեցինք Վրաստանի խորհրդարանը։ Համապատասխանաբար, այս հարցը մեզ համար սպառված է,- ասել է «Լելո – Ուժեղ Վրաստան» կուսակցության անդամ Գրիգոլ Գեգելիան։

Գեգելիայի խոսքով՝ «Լելոն» այս գումարման խորհրդարանի հետ որևէ կապ չի ունեցել և չի էլ ունենա։

«Ինչ վերաբերում է քաղաքացիների շահերի պաշտպանությանը, կարծում եմ՝ կարևոր է, որ քաղաքացիների շահերը պաշտպանվեն և ներկայացված լինեն տեղական մակարդակով, բայց այսպես կոչված հետաքննչական հանձնաժողովը ստեղծած անօրինական խորհրդարանում, որը քննում է ժամանակակից Վրաստանի պատմությունը, որը անօրինական կերպով կազմված մարմին է, մենք իմաստ չենք տեսնում նման մարմնում լինելու մեջ», – ասել է Գրիգոլ Գեգելիան։

«Գախարիան հանուն Վրաստանի» կուսակցությունը որոշել է մտնել խորհրդարան։ Կուսակցության քաղխորհրդի անդամ Գիորգի Շարաշիձեն ճեպազրույցի ժամանակ հայտարարել է, որ խորհրդարանի և քաղաքային խորհուրդների ամբիոնը չօգտագործելը ոչ միայն սխալ է, այլև երկրի և ժողովրդի դեմ հանցագործություն։