Ավտոտրանսպորտային միջոցների պարբերական տեխնիկական զննման գործարկման պայմաններով հետաքրքրված անձանց համար սկսել է գործել 1484 թեժ գիծը:
Բացի կոնսուլտացիայից, 1484 հեռախոսահամարին զանգահարելով, թեժ գծի օպերատորները քաղաքացիներին կօգնեն ավտոտրանսպորտի թեստավորման կենտրոններում առցանց ամրագրել այցերը:
2018 թվականի հունվարի մեկից տեխզննումը վերաբերել է վարորդների մի մասին:
Տեխզննումը պարտադիր է ուղևորատար (ավելի քան 8 տեղ) և բեռնատար (ավելի քան 3,5 տ) ավտոմեքենաների համար:
Թեթև ավտոմեքենաները, որոնց շարժիչի ծավալը ավելի քան 3,0 է, տեխնիկական զննում պետք է անցնեն 2018 թվականի հոկտեմբերից, իսկ 3,0-ից պակաս շարժիչ ունեցող ավտոմեքենաների համար սահմանված ժամկետը 2019 թվականի հունվարն է:
Թեթև մարդատար ավտոմեքենաների տեխնիկական զննման արժեքը կազմում է 60 լարի, իսկ բեռնատար և ուղևորատար ավտոմեքենաների համար՝ 100 լարի:
2018 թվականի հունվարի մեկից տեխզննումը պարտադիր է դարձել նաև գազի մխոցով աշխատող ավտոմեքենաների համար:
