Կարծում եմ՝ սցենարը դեռ ամբողջությամբ գրված չէ, դա է խնդիրը, թե ինչպես կզարգանան իրադարձությունները, կկարողանա՞նք փրկել նրա կյանքը, եթե կարողանանք, ապա այս ամենը կարդարացվի, քանի որ նրա գալով քաղաքական կյանքը Վրաստանում նկատելիորեն վերածնվել է,- այս մասին լրագրող Մարկ Ֆեյգինին տված հարցազրույցում հայտարարել է Միխեիլ Սաակաշվիլիի մայրը, Գիուլի Ալասանիան։

Ալասանիան Մարկ Ֆեյգինի հետ խոսել է նաև Միխեիլ Սաակաշվիլիի առողջական վիճակի մասին։

«Միխեիլ Սաակաշվիլին լավագույն վիճակում չէ, ամեն անգամ, երբ այցելում եմ նրան, տեսնում եմ, որ նա գնալով վատանում է։ Մարդը մեկուկես տարի փակված է, արև չի տեսել, թթվածնի պակաս ունի, պատուհանների ներսում շերտավարագույրներ են, քիչ են բացվում։ Եթե ​​նույնիսկ առողջ մարդուն դնես այս պայմանների մեջ, նա կհիվանդանա։ Նրա առողջությունն այժմ այնքան է միահյուսված այս թեմայի հետ, որ նրան փրկել նշանակում է փրկել պետությունը։ Այդպես ստացվեց։ Ուստի հատկապես կարևոր է այս ամենը միասին դիտարկել»,- ասել է Ալասանիան։

Երբ Մարկ Ֆեյգինը հարցրեց, թե արդյոք Միխեիլ Սաակաշվիլին գիտի և հասկանում է, թե ինչ է իրեն սպասվում, Գիուլի Ալասանիան պատասխանել է, որ հավանաբար գիտի։