Վրաստանի նախկին նախագահ Միխեիլ Սաակաշվիլիի մոր՝ Գիուլի Ալասանիայի խոսքով՝ Սաակաշվիլիի առողջական վիճակը չի բարելավվել, քանի որ նա ունի ջերմություն և արյան ճնշում։ Այս մասին Ալասանիան լրագրողներին ասել է «Վիվամեդի» կլինիկայում։

Բացի այդ, Ալասանիայի խոսքով՝ ինքը Միխեիլ Սաակաշվիլիի հետ քաղաքականություն չի քննարկել։

«Ես ինքս խուսափում եմ այս թեմայից, չեմ ուզում դրա մասին խոսել, քանի որ չեմ ուզում նյարդերի վրա ազդի։ Ինձ ավելի շատ հետաքրքրում է նրա առողջությունը։ Երեկ նա ուներ մինչեւ 38 աստիճան ջերմություն, ճնշում 140/100։ Մենք հեռու ենք վերականգնումից: Ինչ վերաբերում է սննդին, նա չի կարող միս ուտել: Նրան հաջողվում է կամաց-կամաց ինչ-որ բան անել։ Ես ոչ մի փոփոխություն չեմ տեսնում։ Նրա ջերմությունը դեռ մինչև 38 է, ճնշումը 140/100 է, ինչպես է առողջական վիճակը լավացել»,- ասաց Գիուլի Ալասանիան։