«Գիրչի» կուսակցությունը հայտարարություն է տարածել, որում ասվում է, որ Վրաստանի տասներորդ գումարման խորհրդարան չկայացավ, քանի որ այն միակուսակցական էր և անգամ չուներ սահմանադրական փոփոխությունների համար անհրաժեշտ խորհրդարանականների նվազագույն քանակը:
Միևնույն ժամանակ, ըստ հայտարարության, «Գիրչին» հրաժարվում է մտնել ոչ լիարժեք խորհրդարան, և եթե իշխանության հետ բանակցությունները ձախողվեն, նրանց բոլոր ընտրված պատգամավորները կհրաժարվեն իրենց մանդատներից:
«Վրաստանի տասներորդ գումարման խորհրդարան չկայացավ, քանի որ այն միակուսակցական էր և անգամ չուներ սահմանադրական փոփոխությունների համար անհրաժեշտ խորհրդարանականների նվազագույն քանակը – 113 մարդ: Մենք, ընտրությունների հաջորդ օրվանից, ասում ենք, որ իմաստ ունի մտնել խորհրդարան միայն այն դեպքում, եթե դա իրոք կլինի խորհրդարան, ինչը նշանակում է նաև, որ այնտեղ կա այլ կարծիք, և հնարավոր է կարևոր որոշումներ կայացնել:
«Գիրչին» հրաժարվում է թերի խորհրդարան մտնելուց, և եթե մենք չօգտվենք վերջին հնարավորությունից՝ ստանալու Միացյալ Նահանգների և Եվրամիության դեսպանների օգնությունը, և չկարողանանք բանակցել իշխանության հետ, «Գիրչիի» ընտրված բոլոր պատգամավորները կհրաժարվեն մանդատներից», – ասված է հայտարարության մեջ:
