Մենք շատ ինտենսիվ աշխատում ենք մայրաքաղաքում, ինչպես նաև մարզերում, մոտ ապագայում, խոսում ենք շատ կարճ ժամանակի մասին, մարզերում կառաջադրենք թեկնածուներ, – ասաց «Ազգային շարժման» անդամ Գիորգի Խվեդելիանին:

Ինչպես նշել է Գիորգի Խվեդելիանին, կարճ ժամանակում լիովին միավորված ընդդիմությունը կառաջադրի ընդհանուր թեկնածուներ:

«Հոկտեմբերի 2-ի ընտրությունները հանրաքվե են, դրա առաջնագծում են Թբիլիսին, Թբիլիսիի քաղաքապետի թեկնածու Նիկա Մելիան, սակրեբուլոյի նախագահի թեկնածու Էլենե Խոշտարիան: Մենք աշխատում ենք ինչպես մայրաքաղաքում, այնպես էլ մարզերում, որպեսզի հոկտեմբերի 2-ին «Վրացական երազանքը» չկարողանա 43 տոկոս գրել կեղծիքի կամ որևէ մեթոդաբանության միջոցով: Մենք, իհարկե, կունենանք արտահերթ ընտրություններ այս ընտրություններից հետո և արդեն կպատրաստվենք ամբողջությամբ, արմատապես հեռացնել այս իշխանությունը երկրի կառավարման ղեկից: Ինքնակառավարման ընտրություններն այս գործընթացում ունեն հանրաքվեի դեր, և, հետևաբար, մենք աշխատում ենք հնարավորինս համախմբված՝ ինչպես մարզերում, այնպես էլ Թբիլիսիում, որպեսզի ունենանք ուժեղ թեկնածուներ, որոնց աջակցում է ընդհանուր ընդդիմադիր սպեկտրը»,- ասաց Խվեդելիանին: